Një skandal i madh ka plasur ditët e fundit në Itali. Prokuroria vendase ka nisur një hetim për Univeristetin e Perugias pasi këta të fundit kanë favorizuar Luis Suarezin në mënyrë që të kalojë provimin e gjuhës pa ditur italisht në mënyrë që të marri sa më shpejt pashaportën. Mediat italiane zbulojnë të tjera detaje e në këtë skandal përfshihet edhe Juventusi.
Një avokat pranë Juventusit ka kontaktuar me Universitetin për të mësuar se cilët do të ishin petagogët, ndërsa avokati i ka premtuar drejtuesve të kësaj shkolle se do të sillte të tjerë të huaj për të kryer testet e gjuhës italiane nëse favorizonin Suarezin. Testi për sulmuesin e Barcelonës duhej zhvilluar më 22 shtator, por ky test u bë më 17 shtator pikërisht për të lejuar Suarez të shpejtonte kohën e nevojshme për të marrë një pasaportë në mënyrë që transferimi te Juventusi të ishte më I shpejt.
Për momentin, Juventus dhe Suarez nuk janë nën hetim, por gjykatësit e Perugia do të transferojnë dokumentet te prokurori i FIGC për të vlerësuar ekzistencën e veprave sportive.