Pjesë e panelit të përhershëm në ‘Rubrikën Sportive’, specialist i futbollit, Shkëlqim Muça ka bërë analizën e tij për javën e fundit të Superiores.
Ndër të tjera, Muça ka folur edhe për Vllazninë ku evidenton një situatë aspak të mirë dhe thotë se ndryshimi i trajnerit mund të jetë i mirë apo i keq, por lojtarët janë po ata.
“Partizani dhe Egnatia, unë këtu fus edhe Tiranën, kanë krijuar një diferencë, do luftojnë deri në fund. Vllaznia është në një situatë të vështirë. Ndryshimi i trajnerit shkon për mirë, por shkon edhe për keq. Kur vjen një trajner i ri bën një ndryshim, por në fakt lojtarët janë po ata. Po t’i shikosh lojtarët në veçanti, diçka më shumë duhet bërë. Vllaznia duhet të ketë më shumë besim tek të rinjtë”, tha Muça.
Poll
Lexo gjithashtu
