Flamurtari do të luajë sot ndaj Laçit në orën 16:00 ndeshjen e javës së 15-të të kampionatit në Superligë. Kjo është ndeshja e fundit që luhet në stadiumin "Flamurtari" në Vlorë dhe si e tillë pritet që interesi nga ana e tifozerisë të jetë i lartë.
Ndryshe nga ndeshja e kaluar, ku administratori Sinan Idrizi vendosi që për tribunën qëndrore të mos shitej asnjë biletë dhe në të të qëndronin nxënës shkollash dhe tifoze femra, në takimin e sotëm, është vendosur që për tribunën qëndrore të shiten bileta, të cilat do të kushtojnë 700 lekë të rinj.
Diçka nuk ndryshon, edhe në takimin e ditës së sotme, hyrja për femrat dhe nxënësit e shkollave do të jetë falas. Klubi vlonjat si duket ka ndjekur të njëjtën strategji si në ndeshjen e fundit, ku interesi ishte i lartë dhe kështu pritet të jetë edhe sot.
Lexo gjithashtu
