Milan arriti të siguronte kualifkimin për në fazën tjetër të Champions League vetëm në ndeshjen e fundit të fazës së grupeve, teksa mbëmjen e djeshme ia doli të mposhte me shifrat 4-0 Salzburgun në “San Siro”.
Një fitore që i pozicionoi kuqezinjtë në vendin e dytë në grupin B, pas Chelsea. pas kësaj fitoreje ka folur edhe tekniku i italianëve, Stefano Pioli për “Amazon Prime Video Italia” ku ka theksuar se tashmë nuk i tremben asnjë kundërshtari.
“Nuk ka rëndësi se me kë luajmë, në çdo rast do të jetë stimuluese dhe e vështirë. Ne jemi kampionë të Italisë dhe duhet të luajmë futbollin tonë, duke u përpjekur të shkojmë sa më larg. Nuk ka nevojë të kesh frikë nga asgjë. Tani duhet të kthehemi në rrugën e duhur në Serie A, të qëndrojmë sa më afër Napolit, që janë në një ecuri të jashtëzakonshme”, përfundoi tekniku i kuqezinjve.
Lexo gjithashtu
