Shtyhet Kategoria e Parë, mësoni se kur do të luhet java e tetë

Edhe pse do të luhet ndeshja mes Shqipërisë dhe Izraelit ditën e shtunë, ku FSHF-ja do të jetë e angazhuar me forca maksimale për të kaluar këtë takim pa probleme, sërish kampionati i Kategorisë së Parë është planifikuar që të mos ndërpritet.

Ndeshjet e javës së tetë janë planifikuar këtë fundjavë do të zhvillohen, por jo ditën e shtunë si zakonisht. Takimet do të luhen 24 orë më pas, të dielën në orën 14:00, pasi janë disa faktorë që ndikojnë. Përveç trupave të FSHF-së që shpërndahen për të mundësuar mbarëvajtjen e garës, edhe policia duhet të jetë më e lirë për të marrë përsipër takimet, sepse në “Elbasan Arena” nesër do të jenë të angazhuara 2 mijë forca policore.