Trajneri i Bullgarisë, Mladen Krstajic, ka folur për ‘BNT’ pas humbjes me Shqipërinë në ‘Air Albania’. Serbi nuk ka pranuar të japë dorëheqjen edhe pse opinioni publik e kërkon me ngulm. Tekniku serb justifikohet se Bullgaria luajti përballë një ekipi si Shqipëria që është më e mira e grupit të saj në kualifikuese,
“Mendoj se ishte një lojë e mirë. Arritëm të bënim mirë kundër një ekipi serioz që është i pari në grupin e tyre kualifikues. Loja jonë në mbrojtje nuk i lejoi ata të krijonin raste të mjaftueshme. Megjithatë, pranuam shumë gola të lehtë për shkak të tranzicionit tonë në sulm. Duhet të kishim treguar më shumë qetësi në mes të fushës. Ne nxituam pa arsye, por ky është një proces që kërkon kohë dhe lojtarë që luajnë rregullisht në klubet e tyre.
Në pjesën e dytë u përpoqëm të luanim futboll të mirë dhe të kundërshtonim një skuadër shqiptare jashtëzakonisht të fortë. Prapë pësuam një gol të ngjashëm me atë të pjesës së parë, por këtë ia atribuoj mungesës së përvojës sonë. Ne duam që gjithçka të ndodhë. Na duhet kohë dhe durim”
Lexo gjithashtu
