Çekia ka bërë publike listën e lojtarëve të grumbulluar për sfidën me Shqipërinë, takim ky i vlefshëm për kualifikueset e Euro 2024. Trajneir i kombëtares çeke, Jaroslav Silhavy ka folur par mediave për lojtarët që ka grumbulluar.
Timonieri ka theksuar se me të besuarit e Sylvinhos nuk do të jetë aspak e lehtë, pasi kombëtarja shqiptare ka një grup mjaft cilësor dhe jo më kot ndodhet të dytët në grup.
“Kapiteni Soucek duket se është në gjendje të mirë pas dëmtimit që pësoi në radhët e Ëest Hamit, në Angli, po ashtu janë riaftësuar mbrojtësit Brabec dhe Zima.
Na pret një nga ndeshjet kyçe për kualifikimin. Të gjithë e kuptojmë se për çfarë po luajmë. Shqipëria ka një skuadër shumë të mirë, e dëshmon edhe fakti se janë menjëherë pas nesh pas ndeshjeve pranverore. Besoj se edhe me mbështetjen e tifozëve do ta menaxhojmë ndeshjen dhe do të bëjmë një hap të madh drejt kualifikimit në Europian, të cilin nuk duam ta humbasim në asnjë rast”, ka deklaruar Silhavy.
Kujtojmë se sfida mes Çekisë dhe Shqipërisë do të luhet më 7 shtator në ornë 20:45 në ‘Eden” të Pragës. Kombëtarja çeke ndodhet e para në grupin E me 7 pikë, ndërsa kuqezinjtë në vendin e dytë me një pikë më pak. Përballja mes tyre do të vendosë shumë mbi fatet e këtij grupi për të avancuar drejt EURO 2024.
Lexo gjithashtu
