Chelsea mori mbëmjen e djeshme një fitore të rëndësishme me shifrat 2-0 ndaj Fulham. Në këtë ndeshje protagonist isht edhe sulmuesi i kombëtares shqiptare, Armando Broja. Ky i fundit gjen golin në ndeshjen e parë titullarë që pas rikthimit, ndërsa shpërblen kështu edhe besimin e Pochettinhos.
Pikërisht timonieri argjentinas ka folur pas kësaj ndeshjes, teksa shprehet i lumtur që ekipi i tij mori fitoren. Gjithashtu Pochettino i thuri elozhe sulmuesit kuqezi, ku theksoi se ishte i kënaqur që u rikthye me gol.
“Është e rëndësishme për ne që ndërtuam besimin tonë. Ndeshja ishte shumë e mirë. Jam shumë i lumtur për lojtarët dhe morëm atë që merituam. Goli i parë i Mudryk? Është shumë e rëndësishme për sulmuesit që të shënojnë. Ai luajti shumë mirë. Ishte i pafat në pjesën e parë, ndjeu diçka, por nuk është një problem dhe do të jetë gati për fundjavën. Jam shumë i lumtur për të dy shënuesit. Jam i kënaqur edhe për Brojën, i cili kishte munguar për një kohë të gjatë.
Në çdo skuadër që ka probleme të mëdha me dëmtimet si ne, rezultatet mund të mungojnë. Por ne nuk jemi përpjekur që ta përdorim këtë si një justifikim. Kjo është një skuadër e shkëlqyer dhe shumë e talentuar. Ne jemi në një proces ndërtimi. Ky është një projekt që mendoj se do të dojë dy vite për të mbërritur deri në fund. Shpresojmë që kjo fitore të jetë pika e kthesës dhe të vijojmë të rritemi”, u shpreh argjentinasi.
Lexo gjithashtu
