Argjentina arriti të fitonte Kupën e Botës në Katar, ku në finale mposhti Francën pas gjuatjeve të penalltive. Portieri Emiliano Martinez ishte një nga lojtarët protagonistë në suksesin e “Albiçelestëve” dhe si i tillë ai u shpall edhe portieri më i mirë i turneut, duke marrë kështu edhe dorezën e artë.
Gardiani i Aston Villas fitoi simpatinë e shumë tifozëve për paraqitjet e tij, por njëkohësisht u kthye edhe në lojtarin e urryer nga një pjesë tjetër pasi veprimet e tij ishin paksa të tepërta. Martinez u tall me Mbappe në disa raste, ndërsa bëri edhe një verpim aspak të hijshëm pasi fitoi dorezën e artë.
Veprimet e portierit kanë bërë që ish-mbrojtësi i njohur francez, Adil Rami të shpërthejë keq ndaj tij. i fundit u tregua i ashpër me Martinez duke theksuar se argjentinasi është futbollisti më m… në botën e futbollit.
“Është lojtari më m… në historinë e futbollit. mendoj se është njeriu më i urryer. Aq shumë i terrorizoi Mbappe sa më shumë po festojnë triumfin kundër Francës se faktin që janë Kampionë të Botës”, shkruan në rrjetet sociale Adil Rami.
Lexo gjithashtu
