“Shpërthen” Iliria në miqësore, goleadë Kevitanit

Skuadra fushë-krujase ka bërë merkato të mirë gjatë afatit kalimtar të verës, duke afruar lojtarë me potencial dhe që premtojnë për të mbajtur në kategori Ilirinë. Në miqësoren e zhvilluar sot pasdite kundër ekipit të Kategorisë së Dytë, Kevitan, ata kanë mundur që të fitojnë me rezultat të thellë dhe të pastër, 4-0.

Golat janë shënuar nga Doçi, Bardhi, Zuna dhe Danaj. Trajneri Pllumb Ziri është shprehur i kënaqur në fund të takimit, ndërsa ka bindjen se me ekipin e formuar, do të mund të arrijë që të plotësojë objektivat e përcaktuar në fillim të sezonit, qëndrimin në kategori, pikërisht në mesin e saj.