Ai është një ish-model dhe ish-trajner basketbolli, por të dyja këto profesione ia ka lënë së shkuarës për t’u angazhuar në një tjetër “zanat”.
Bëhet fjalë për Diego Davila-n, i cili zëvendëson shpesh, Cristiano Ronaldon në eventet ku sulmuesi i Realit të Madridit nuk mund të jetë prezent.
Mes të dyve ekziston një ngjashmëri e pabesueshme dhe shokuese. “Kush është problemi më i madh? Nuk kam të njëjtin fizik që ka Ronaldo. Flokët? Nuk janë problem, sepse kemi të njëjtin parukier”, pranon Davila për mediat spanjolle.
Cristiano Ronaldo mund të krenohet me sozinë e tij, që e shoqëron kudo dhe që e zëvendëson në momente kur është i lodhur. Sigurisht jo në fushën e lojës, ku gjithnjë zbret vetë “ylli” portugez dhe është gjithnjë original.
Diego Davila, është shtetas spanjoll dhe në të shkuarën punonte si model dhe si trajner basketbolli.
Por, prej kohësh ka lënë gjithçka nga punët e tij të mëparshme dhe është angazhuar në rolin e “Cristiano Ronaldos”.
Davila dhe Ronaldo mbajnë gjithnjë të njëjtët aksesorë, sillen në të njëjtën mënyrë dhe mbi të gjitha kanë të njëjtin parukier, i cili kujdeset që modeli i flokëve të jetë identik.
Lexo gjithashtu
