Tirana dhe Teuta çelin nesër javën e pestë në Superligë. Sfida e orës 16:00 në “Selman Stërmasi” është komentuar edhe nga sulmuesi i bardhebluve, Elvi Berisha. Golat e munguar dhe rastet e shumta, këtu ka qenë theksi i afrimit të verës.
“Po mundohem të përshtatem dita ditës, që të arrij formën më të mirë dhe të jem gjithnjë gati për ekipin. Kemi bëri një nisje jo shumë të mirë, por loja që kemi bërë ka qenë e mirë. Normal kur bën një lojë shumë të mirë do të marrësh edhe pikët.
Teuta? Ne nuk na intereson shumë për ekipet e tjera. Ne mendojmë të marrim tre pikëshin për ekipin tonë dhe të luftojmë deri në fund.
Duhet të punojmë më shumë. Duhet të jemi më të saktë përpara portës, pasi kemi shkuar deri te porta dhe nuk kemi shënuar”, tha Berisha.
Lexo gjithashtu
