Vlente 350 mijë euro te Ballkani, por tashmë kartoni i Ermal Krasniqit është ngjitur në piedestal. Sulmuesi i stërvitur nga Ilir Daja po njeh vetëm progres në formën e tij. Në këto kushte edhe vlera e kartonit është dyfishuar. Sulmuesi i Cluj po shkëlqen në Rumani dhe tashmë është ftuar edhe në kombëtaren e Kosovës.
Me trajnerin Ilir Daja ishte titullar absolut duke u shndërruar në numrin një të ekipit suharekas. 24-vjeçari ka njohje të mirë me portën kundërshtare duke qenë gjithmonë rrezik konstant për ta. Tanimë pritet të shihet se si do të performojë me Dardanët në kualifikueset me Izraelin dhe me Andorën.
