Transferimi i Ibrahimoviç te Manchester do të mbushë bindshëm xhepat e suedezit. Mësohet se 34-vjeçari do të përfitojë plot 250 mijë paund në javë. Edhe pse suedezi është drejt fundit të karrierës, forma e tij e mirë ka bindur drejtuesit e "Djajve" ta kenë në skuadër. Me t’u konfirmuar lajmi nga vet Ibrahimoviçi se do të jetë pjesë e klubit nga "Old Trafford" sezonin e ardhshëm, mediat britanike kanë filluar të hulumtojnë për pagën që do të marrë suedezi te "Djajtë e Kuq". Mediat britanike e konsiderojnë pagën e Ibrës në “Old Trafford” si jashtëzakonisht të madhe. Sipas tyre, ish sulmuesi i PSG-së do të përfitojë te Unitedi 250 mijë paund në javë. Gjithsesi, shifrat nuk janë bërë ende publike, por pritet të zbulohen gjatë orëve në vijim nga klubi.
Lexo gjithashtu
