Dje, dy shqiptarët e Zvicrës, Granit Xhaka dhe Xherdan Shaqiri ngritën peshë zemrat e miliona tifozëve, jo vetëm zviceranë por edhe shqiptarë në të gjithë botën. Dy lojtarët në fjalë arritën të mundin të vetëm Serbinë, duke kthyer rezultatin në favor të tyre 2-1 dhe marrë trë pikë të "arta".
Pas ndeshjes, ka qenë Shaqiri që ka folur për "Sky Sport", ku ka deklaruar se ishte i lumtur për golin e shënuar dhe suksesin e arritur në këtë përballje ndaj Serbisë. Ai ka shpjeguar dhe gjestin që ka bërë pas shënimit të golit, ku festoi me shqiponjën, veprim që është cilësuar provokim nga ana e kundërshtarëve.
"Nuk mendoj tani për këtë, nuk dua të flas për atë temë. Në futboll gjithmonë kemi emocione. E keni parë të gjithë se çfarë kam bërë, është emocion i pastër. Thjesht isha shumë i lumtur që kam shënuar gol. Nuk duhet të flasim për tema të tjera ", është shprehur Shaqiri për 'Sky Sport".
Lexo gjithashtu
