Fitorja e Liverpool ndaj Napolit ishte shumë e veåantë për “The Reds”. Përveç trajnerit Jurgen Klopp që arriti ndeshjen e 100-të në Champions League duke fituar 58 prej tyre, tashmë një tjetër rekord është barazuar nga sulmuesi kryesor i skuadrës. Mohamed Salah arriti të shënonte golin e parë të sfidës në minutën e 64-të, gol që do të barazonte rekordin e legjendës së “The Reds”. Ky ishte goli i tij i 41-të në Evropë, gol i cili erdhi në 64 paraqitje në Champions League, ndërsa ishte i  12-ti në të gjitha garat këtë sezon. Salah në këtë mënyrë barazoi rekordin e Gerrard, i cili kishte shënuar gjithashtu 41 gola me klubin nga “Anfield”. Golat evropianë të mesfushorit Gerrard erdhën nga 129 ndeshje në Champions League, Europa League dhe Kupën UEFA duke përfshirë raundet kualifikuese.

Moving level at the top of our European goalscoring charts ✨

Superb, @MoSalah pic.twitter.com/mZt2xYEcWw — Liverpool FC (@LFC) November 1, 2022