Kampionati Evropian i Shahut që po mbahet në Selanik ka parë shqiptaren Klean Shuqja të trimfojë mes 16 vajzave pjesëmarrëse. Shqiptarja u rendit e para nga 16 konkurrentet në moshën U-16, me 12.5 pikë në 18 ndeshje, duke u shpallur kështu kampione e Evropianit të 21 të Blitzit.
Veç saj, edhe Kler Çaku ka pasur ngritje në nivel, duke zënë vendin e tretë në moshat U-12. Eklea Omeri, shahistja 13 vjeçare u rendit e katërta për moshat U-14, me pikë të njëjta me vendin e tretë.
Këto rezultate fantastike vijnë në prag të Olimpiadës së Chennait të Indisë, që zhvillohet në 28 korrik.
