Dinamo Kiev do të luajë ditën e mërkurë në orën 21:00 sfidën e 3-të të Champions League e vlefshme për grupet ndaj Barcelonë. Skuadra ukrainase është në emegjencë totale pasi 9 prej lojtarëve të ekipit të parë janë prekur me Covid-19, ndërsa disa të tjerë mungojnë për shkak dëmtimesh dhe pezullimesh.
Dinamo Kiev ka bërë të ditur në faqen zyrtare listën me lojtarët e grumbulluar për këtë ndeshje dhe bie në sy mungesat e Bushchan, Boiko, Mykolenko, Karavayev, Harmash, Shaparenko, Baluta, Tsytaishvili, Duelund të infektuar me Covid-19, Serhiy Sydorchuk I pezulluar pasi mori karton të kuq, ndërsa Nikita Burda, Oleksandr Tymchyk e Volodymyr Kostevych janë të dëmtuar. Trajneri Lucescu ka në dispozicion vetëm 13 lojtarë nga ekipi I parë, minimum i lejuar nga UEFA, ndërsa pjesa tjetër janë lojtarë të marrë nga akademia.
Lexo gjithashtu
