Federata Shqiptare e Futbollit ka filluar që nga data 28 nëntor të nisë seleksionimet e talenteve të reja, nga viti 1999, 2001, 2003. Seleksionimet kanë nisur në Shqipëri në datën 28 nëntor dhe më pas kanë vazhduar në Itali, Zvicër dhe Greqi. seleksionimet do të mbyllen në datën 15 dhjetor.
Grupi i punës së lidhur me seleksionimet që është ngritur nga FSHF-ja përbëhet nga Paolo Tramexani, Xhemal Mustedanagç, Alesandro Recenti si dhe dy anëtarët e Komitetit Ekzekutiv, specialistët Vasil Bici dhe Abdyl Kuriu.
Këtë fillim dhjetori, grupi i punës ka zhvilluar seleksionimet në Peruxhia, ku gati 100 futbollistë i janë nënshtruar këtij seleksionimi të ndjekur nga Tramexani dhe stafi i tij.
Procesi i seleksionimi është zhvilluar në fushën e stadiumit “Santa Sabina” të Peruxhias, seanca stërvitore ka qenë njëditore, ku është parë ecuria dhe talenti i të rinjve shqiptarë që janë lindur dhe rritur në Itali, shumica e të cilëve janë duke u aktivizuar me skuadra të vogla italiane.
Grupi i punës pas kësaj stërvitje njëditore është gati për fazën e dytë të këtij procesi seleksionues.
Në një video të postuar në "Youtube" nga Federata Shqiptare e Futbollit shihen momente nga stërvitja që është zhvilluar në Peruxhia, e shoqëruar dhe më një përshkrim.
Përshkrimi i plotë:
Në vijim të procesit të seleksionimeve për ekipet kombëtare të Shqipërisë për datëlindjet 1999, 2000, 2001, 2002, 2003 brenda e jashtë Shqipërisë, praktikë dhe njëherësh një politikë e FSHF-së për gjurmimin e elementëve cilësorë, stacioni i radhës këtë fillim-dhjetori ishte Peruxhia. Rreth 100 futbollistë të talentuar shqiptarë që militojnë dhe luajnë në klube të ndryshme italiane të moshave iu nënshtruan këtij seleksionimi të radhës nën sytë e Tramexanit dhe stafit. Tramexani drejtonte grupin e përbërë nga trajnerët e U-15 dhe U-17, respektivisht Alessandro Recenti dhe Xhemal Mustedanagiç. Në fushën e stadiumit “Santa Sabina” të Peruxhias, u zhvillua kjo fazë njëditore stërvitore për të parë elementët që mund të jenë më pas në planet e trajnerëve, apo të rekomandohen për ta. Në këtë ditë seleksionuese merrnin pjesë futbollistë të rinj shqiptarë të lindur e të rritur në Itali, fëmijë emigrantësh të atjeshëm, të cilët kishin dëshirën e lexueshme dhe ndoshta një ditë edhe ata mund të jenë pjesë e Kombëtares Shqiptare. Cilësitë dhe performanca e tyre gjatë ndeshjeve të planifikuara u vunë në provë nga specialistë shqiptarë që tashmë kanë gati dhe fazën e dytë të këtij procesi seleksionues.
https://www.youtube.com/watch?v=FJg_OfsFY3E
Lexo gjithashtu
