Milan dhe Inter janë duke punuar detajet e fundit për finalizimin e projektit të stadiumit të ri. San Siro do të rindërtohet nga e para për të pasur një stadium të ri, modern dhe tejet fitimprurës për ekonominë e klubeve. Komuna ka dhënë dritën jeshile mirëpo, ka disa pengesa “burokratike” që Komuna sugjeron të ndryshohen në projekt.
Ditët e fundit, Këshilli i Qytetit të Milanos miratoi axhendën për t'i kërkuar Milanit dhe Interit disa ndryshime në projektin origjinal të stadiumit, pas debatit publik. Në veçanti, ajo që kërkohet është rritja e kapacitetit në të paktën 70 mijë vende për të shmangur një rritje drastike të biletave.
Megjithatë, kompanitë janë të vetëdijshme se rritja e numrit të vendeve do të rriste edhe kostot me të paktën 100 milionë. Për këtë arsye Milani dhe Interi po e studiojnë mirë këtë situatë.
Lexo gjithashtu
