Duket se të kalosh nga futbolli në politikë është një trend që po e ndjekin shumë sportistë. Duke filluar nga Romario, Kaladze apo së fundmi edhe Weah , por duket se tashmë kësaj rruge do i hyjë edhe Samuel Eto'o. Sulmuesi legjendar kamerunas duket se do kandidojë për zgjedhjet presidenciale në Kamerun.
"Kam të njejtën ëndërr që kishte Jul Cezari për Romën. Do të formoj një skuadër ministrash që të jenë të aftë të punojnë për vendin tim", premtoi Eto'o nëpërmjet një interviste për revistën Jeune Afrique, ku ai ka zbuluar qëllimin e tij për të kandiduar në zgjedhjet që do të bëhen në muajin tetor.
"Kam vendosur të kandidoj. Nuk shikoj pse unë të mos bëj detyrën e presidentit të vendit tim", tha më tej kamerunasi, që e shikon veten si pasuesi i presidentit aktual Paul Biya. Por gjithçka ishte në kuadrin e një shakaje për 1 prillin pasi sulmuesi afrikan në realitet nuk ka dhënë asnjë deklaratë të tillë.
Lexo gjithashtu
