Hamdi Salihi është duke kaluar një supersezon në Austri, te ekipi i Wiener Neustadt. Mbrëmjen e së shtunës, ish-lojtari i kombëtares shqiptare ka folur për emisionin "Zona Gol" në "Supersport", ku ka treguar për jetën e tij në Austri, duke dhënë mendimin e tij edhe për kampinatin shqiptar.
"Do të jetë e vështirë për rivalët e Skënderbeut, sepse ata po vonohen për ta kapur me pikë ish-skuadrën time. Partizani dhe Kukësi vazhdojnë të kenë probleme dhe shumë shpejt do e pranojnë fatin e tyre".
Salihi është shprehur se ka një ndërr, të fitojë titullin me Vllazninë për të cilën ka konsideratë.
"Do të ishte ëndërr ta fitoja një titull me Vllazninë. Vërtet që do të kishte qenë diçka shumë e madhe. Tirana? Duhet të jetë në elitën e futbollit shqiptar. Besoj se do të organizohet shumë shpejt, sepse e shoh konkurruese. Nëse do të kisha zgjedhur një skuadër shqiptare për të luajtur, emri i saj do të ishte Vllaznia".
Lidhur me jetën nëa Austri, Salihi është shprehur: "E dija që do të ndihesha mirë, unë dhe familja, por nuk e kisha parashikuar kaq mirë edhe në aspektin sportiv. Dihet se oreksi vjen duke ngrënë dhe çdo javë që kalonte ishim të bindur se do të bënim mirë. Jemi në rrugë të mbarë për t'u ngjitur. Këtë herë kalojnë tre ekipe, dy drejtpërdrejt dhe një me 'play off'. Kjo na shton shanset", ka mbyllur prononcimin e tij Salihi për "Zona Gol".
Lexo gjithashtu
