Gjatë një interviste të gjatë me La Gazzetta dello Sport , ish-sulmuesi i Interit, Karl-Heinz Rummenigge foli për finalen e Ligës së Kampionëve dhe shanset e skuadrës së Inzaghit për të ngritur kupën.
“Është e qartë, City, edhe pas asaj që pamë kundër Real Madridit, është favorit absolut. Por kjo, po e përsëris, për mua është një avantazh në favor të Interit. Edhe kur ishin në fazën e grupeve askush nuk e mendonte se Interi do të kualifikohej por Inzaghi kaloi përpara. Skuadra nuk duhet nënvlerësuar, është e qëndrueshme në të gjitha departamentet.
Mbrojtja është konkrete, në mesfushë vrapojnë dhe punojnë, të gjithë janë të gatshëm të sakrifikojnë. Në sulm, Lautaro është qendërsulmues i rangut botëror, Dzeko është gjithmonë i freskët dhe Lukaku përmirësohet nga ndeshja në ndeshje. Interi është një skuadër që gjithashtu mund të dëmtojë Cityn”.
Lexo gjithashtu
