Emisioni sportiv në TVSH, "Rubrika Sportive" do të nisë ditën e sotme sezonin e ri. Nëpërmjet një njoftimi zyrtar bëhet me dije që pikërisht sot, nga qyteti i Shkodrës do startojë ky edicion i ri. Më pas "Rubrika Sportive" do të bëjë analizën e javës së parë të Superiores me të ftuarit e javës në panel. Gjithashtu RTSH lajmëron që sonte do të flitet edhe për një lajm ekskluziv që është mësuar nga UEFA.
"Rubrika Sportive në një edicion special!!
Rikthehet Rubrika Sportive, sot në ekranin e RTSH. Emisioni më jetë-gjatë sportiv fillon sot sezonin e ri pikërisht nga qyteti i Shkodrës dhe stadiumi “Loro Boriçi”. ORA 18.00, dhe pas ndeshjes së Vllaznisë me Kukësin, drejtpërdrejt në RTSH, Rubrika Sportive do ndalet në ngjarjet e javës së parë të kategorisë Superiore, por edhe mbi një lajm ekskluziv që ka arritur të sigurojë Departamenti i Sportit në RTSH drejtpërdrejt nga zyrat e UEFA-s.
Në drejtimin e Hygerta Sakos, drejtpërdrejt nga studio e RTSH-së në “Loro Boriçi” me praninë e Gerd Haxhiut (specialist futbolli), Fatmir Mënerit (analist sportiv), Fatjon Shehut (zv/kryeredaktor i Panorama Sport).
Ndërkohë që ora 19.00 në RTSH, Vllaznia – Kukësi!!! Shikim të këndshëm…", shkruhet në njoftimin zyrtar të RTSH-së.
[gallery columns="1" size="full" ids="34021"]
Lexo gjithashtu
