Vjen si “rrufe” në qiell të hapur lajmi se presidenti i Chelsea, Todd Boehly jep dorëzheqjen nga posti i tij. Numri 1 i klubit ka dështuar në merkato me afrimin e lojtarëve, teksa tashmë aktualisht blutë e Londrës renditen në vendin e 10-të në kampionat shumë larg pritshmërive të drejtuesve.
Sipas mediave britanike, Boehly ka marrë vendimin të heqë dorë nga posti që mbante në klub që lidhej me afrimin e lojtarëve, ndërsa do të vazhdojë të jetë pronari i klubit anglez.
Pas largimit të Marina Granovskaia dhe Petr Cech në verë, ai mori përsipër merkaton e klubit duke u përfshirë personalisht në negociata. Boehly dhe bashkëpronari Behdad Eghbali do të jenë përsëri ata që do të shpenzojnë në merkato, por vendimet do të merren nga Pol Unstenli dhe Kristof Vivell, me këtë të fundit që është emëruar drejtor teknik dhe do të ketë rolin kryesor për të përcaktuar strategjinë e afrimit të lojtarvëe.
Plot 270 milionë funte të shpenzuara gjatë kësaj periudhe duke afruar emra si Aubameyang, Sterling, Cucurella, Koulibaly apo Fofana, Chelsea e sheh vetmë 10 pikë larg vendit të 4-të që mbahet nga Manchester United.
Lexo gjithashtu
