Dje, Tirana është shtangur nga Shënkolli, i cili ka penalizuar bardheblutë duke u hequr nga duart dy pikë të rëndësishme. Edhe pse nuk pritej, të besuarit e Ze Marias janë surpizuar nga goli i Klaudio Pjetrushit shënuar në minutën e 18'. Ishte Karabeci te bardheblutë që shmangu humbjen, duke shënuar golin e barazimit nga pika e bardhë e penalltisë në minutën e 69' të takimit.
Të gjitha kanë menduar se ky dështim për Tiranën ka ardhur si pasojë e rrotacionit që trajneri brazilian, Ze Maria ka bërë në përballjen e djeshme. Edhe pse vetëm barazim, bardheblutë vazhdojnë të kryesojnë tabelën e klasifikimit me katër pikë plus nga Bylisi që u "gjunjëzua" në Fier.
Humbja nuk ka kaluar lehtë te Tirana, ndërsa e kundërta ka ndodhur te Shënkolli, ku lojtarët kanë festuar gjatë barazimin e djeshëm në dhomat e zhveshjes pasi për të ka qenë një rezultat i mirë përballë një ekipi si Tirana.
Lexo gjithashtu
