Rreziku kryesor i Realit, VINICIUS me bombola oksigjeni para Manchester City-t (FOTO)
Shkruar nga NEWSPORT
Mbrëmjen e djeshme Real Madrid fitojë në finalen e Kupës së Mbretit përballë Osasunës me rezultatin 2-1. Pas sigurimit të kupës tashmë madrilenët i pret një sfidë e vështirë të martën përballë Manchester Cityt në Champions.
Padyshim Vinicius ishte një nga futbollistët që bëri një super ndeshje duke dhuruar dhe asistin për golin e parë. Braziliani ka postuar një foto pas ndeshjes nga dhoma e tij duke treguar se po karikon bateritë për sfidën e së martës mbrëma përballë Manchester Cityt. Sulmuesi i krahut është shfaqur me bombola oksigjeni për të rikuperuar sa më shpejtë energjitë për një sfidë ku varet fati i sezonit.
Ndeshja e parë e gjysmëfinales së Champions League do të luhet në Madrid, të martën në orën 21:00.