Trajneri Mërgjyshi foli menjëherë pas takimit Korabi-Vllaznia, i cili u mbyll me rezultatin 0-0. Tekniku i pankinës dibrane u pyet nga gazetari i Supersport nëse rrezikohej vendi i tij, pas kësaj ecurie jo pozitive. Ai deklaroi që normalisht vendi i trajnerit në Shqipëri pas këtyre rezultateve është i rrezikuar. Por, shpreson që do të vijnë rezultatet e shumëpritura pasi skuadra ka dhënë sinjale pozitive.
"Normalisht që pas këtyre rezultateve, vendi i trajnerit është i rrezikuar. Skuadra e Korabit ka bërë shumë shpenzime në merkato dhe me të drejtë kërkohen rezultatet pozitive. Dua të theksoj që nga djemtë kam marrë sinjale pozitive në këto ndeshje. Unë kam besim te ata, por edhe ata te unë. Jemi grup i bashkuar dhe besoj që do të vijnë edhe rezultatet e shumëpritura", deklaroi Artan Mërgjyshi.
Lexo gjithashtu
