Dhuna në ndeshjen Brazil – Argjentinë, Infantino reagon ashpër: Ngjarje të tilla nuk kanë vend në futboll, lojtarët dhe stafet duhet të jenë të sigurta për të luajtur
Në “Maracana” para duelit mes Brazilit dhe Argjentinës, takim i vlefshëm për kualifikueset e Kupës së Botës 2026, ishte një luftë e vërtetë. Para kësaj ndeshje u përplasën policia brazilaine dhe tifozët argjentinas, me këto të fundit që shiheshintë gjakosur dhe të shtrirë përtokë.
Në lidhje me këto skena dhune të ndodhura në një prej ndeshjeve më të luftuara ka reaguar edhe presidenti i FIFA-s, Gianni IOnfantino. Ky i fundit ka bërë një postim në rrjetet sociale ku dënon dhunën dhe shprehet se ngjarje të tilla nuk kanë vend në futboll.
“Nuk ka absolutisht vend për dhunë në futboll, brenda ose jashtë fushës. Ngjarje të tilla, si ato që ndodhën gjatë ndeshjes kualifikuese të Kupës së Botës midis Brazilit dhe Argjentinës në stadiumin “Maracana”, nuk kanë vend në sportin tonë apo në shoqërinë tonë.
Pa përjashtim, të gjithë lojtarët, tifozët, stafi dhe zyrtarët e ndeshjes duhet të jenë të sigurt për të luajtur dhe shijuar futbollin dhe u bëj thirrje autoriteteve përkatëse të sigurojnë që kjo të respektohet në të gjitha nivelet”, u shpreh “numri 1” i FIFA-s.
Lexo gjithashtu
