Anglia siguroi kualifikimin për në fazën tjetër me eliminim direkt pasi mposhti 3-0 Uellsin. Pas këtij triumfi ka folur dhe trajneri i “Tre Luanëve”, Gareth Southgate, i cili lavdëroi Marcus Rashford, ndërsa theksoi se pavarësisht 3 pikëve, të tijtë nuk krijuan shumë raste.
“Ka qenë fantastike për të, Rashford është stërvitur shumë mirë. Ai ka qenë mbresëlënës që kur u kthye me ne, ai mund të kishte shënuar një hat-trick. Mendoj se e kontrolluam lojën në pjesën e parë, por nuk krijuam raste të mjaftueshme. Ne donim më shumë shtytje dhe rrezik, për të luajtur më shpejt. Pasi shënuam dy golat, ne e dinim se shpirti i tyre ishte zhdukur, ishte një turne i vështirë për ta”, ka deklaruar Southgate.
Loading ...
