E ardhmja e Sergio Ramos në Paris është e pasigurtë. Mbrojtësi veteran me shumë gjasa po luan sezonin e fundit te kampionët e Ligue 1. Palët nuk kanë mundur të gjejnë marrëveshjen për rinovimin e kontratës mes tyre.
Në të tilla kushte drejtuesit nuk po rrinë duarkryq, ndërsa kanë pikasur edhe zëvendësuesit e mundshëm të ish-kapitenit të Real Madrid. Sipas “L’Equipe” në radarët e francezve janë dy lojtarë që luajnë me këmbën e majtë. Bëhet fjalë për Aymeric Laporten dhe Lucas Hernandezin që janë opsionet e mundshme.
I pari pritet të largohet nga “Etihad” për shkak të minutave të limituara, ndërsa kontrata e tij përfundon në vitin 2025 dhe vlera e tij në treg është 30 milionë euro. Hernandez me Bayern ka kontratë të vlefshme deri në verën e vitit të ardhshëm. 27-vjeçari në tregun e transferimeve vlerësohet me 50 milionë euro.
Lexo gjithashtu
