18 skuadra kombëtare rajonale të tre moshave respektive në një garë të përbashkët: “Kampionati I Ekipeve Perfaqesuese Rajonale” FSHF dhe Sektori i Ekipeve Kombëtare në bashkëpunim me zyrat Rajonale ngrejnë sot siparin e një gare të bukur dhe që do të risjellë sërish në fushë moshat U-13, U-15 dhe U-17.
Do të luhet në disa qytete të Shqipërisë, sipas një grafiku dhe kalendari të mirëpërcaktuar. Skuadrat e përfaqësuesve Rajonale të të tre moshave që do të ndeshen mes tyre janë ato të: Tiranës, Durrësit, Fierit, Shkodrës, Elbasanit dhe Korçës. Një kampionat që do të shndërrohet në një traditë të përcdovitshme me të gjithë ekipet kombëtare të moshave rajonale, të cilët gjatë gjithë sezonit ezaurojnë një volum pune të jashtëzakonshëm dhe që kalojnë në disa faza selektimi deri në konfigurimin e plotë të ekipeve kombëtare.
Iniciatori për këtë kampionat, Shefi i Zyrës së Ekipeve Kombëtare, Dritan Babamusta, për një event të tillë theksoi për faqen zyrtare të FSHF-së: “Ishtë një ide e cila po përpunohej në fakt prej disa kohësh, nisur edhe nga fakti i një përfaqësimi dhe shtrirje masive të futbollistëve të këtyre zonave në të gjithë Shqipërinë.
Duke qenë se, gjatë gjithë vitit janë kryer fazat e seleksionimit, dhe më pas çdo ditë të hëne stërvitjet për çdo zonë, menduam dhe ideuam edhe startin e një kampionati të tillë që do të kthejë emocionet e këtyre moshave për 15 ditë në të gjithë Shqipërinë.
Një pjesë e ndeshjeve do të transmetohen edhe në platformën Supersport, në një kohë që FSHF ka marrë të gjitha masat për këtë kampionat. Moshat tashmë do të kthehen sërish në fushë, por këtë radhë në një garë mes tyre.
Do të luhet në stadiume dhe rivaliteti do të jetë realisht I madh, sikundër edhe interesi i fëmijëve për këtë lojë magjike si futbolli”,- shtoi Babamusta. Në ditën e sotme, në javën e parë do të luhen respektivisht tre ndeshje: Në Elbasan, në Shkodër dhe në Fier, për tre moshat respektive, U-13, U-15 dhe U-17. Më poshtë edhe grafiku I ndeshjeve për ditën e sotme.
Java e Pare Dt.15.06.2017
- Tirana - Elbasani "Elbasan Arena" Mosha U17 ora 18:00
Mosha U15 ora 19:30
Mosha U13 ora 16:30
- Durresi-Shkodra "Loro Borici" Mosha U17 ora 18:00
Mosha U15 ora 19:30
Mosha U13 ora 16:30
- Fieri - Korca "Loni Papuciu" Mosha U17 ora 17:30
Mosha U15 ora 19:00
Mosha U13 ora 16:00
Lexo gjithashtu
