Sportistët kosovarë tashmë janë bërë gati për Lojërat Olimpike që do të zhvillohen në Brazil. Përpos lumturisë dhe dëshirës së madhe për t'u kthyer me medalje në atdheun e tyre, si debutues në këtë lojëra, bie në sy edhe promovimi që Kosova po i bën skuadrës së saj Olimpike. Ndryshe nga Shqipëria, ku Ministria Kulturës, Rinisë dhe Sporteve nuk po bën asnjë reklamë për sportistët e saj, Kosova i ka dhënë jehonë të madhe pjesëmarrjes për herë të parë në këtë kompeticion.
Qeveria Shqiptare, konkretisht Ministria e Kulturës, Rinisë dhe Sporteve ndryshe nga Kosova, nuk ka bërë asnjë lloj promovimi për sportistët e saj, të cilët do të përfaqësojnë flamurin kuqezi në Rio të Brazilit, aty ku do të zhvillohen Lojërat Olimpike. Edhe një herë shikojmë shtetin tonë i cili hesht për pjesëmarrjen e sportistëve tanë në kompeticionet Europiane. Rasti më i fundit ishte i Luiza Gegës, e cila u shpall nënkampione Europe dhe në nder të saj nuk u zhvillua asnjë organizim.
Edhe pse pak vonë, shpresojmë që kësaj radhe do të ketë edhe për sportistët shqiptarë një promovim nga shteti.
Lexo gjithashtu
