Lionel Messi po shijon pushimet mëse të merituar në Rosario me familjen dhe miqtë e tij pas triumfit në Katar ku u shpall kampion bote me Argjentinën e tij. Në Francë, Paris Saint-Germain ka nisur seancat stërvitore të plota me të gjithë futbollistët por mungesa e vetme është Messi.
Mbappe është kthyer menjëherë pas finales ndërsa Neymar sot ka nisur stërvitjen e parë. Sipas mediave franceze, Messi do të kthehet vetëm më 3 janar në Paris duke munguar në tri ndeshjet e PSG kundër Strasbourg, Lens në Ligue 1 dhe Chateauroux në Kupë.
Drejtuesit e parizienëve i kanë lënë dorë të lirë argjentinasit dhe e presin atë në fushën e lojës më 11 janar ku do të përballen me Angers në kampionat.
Poll
Lexo gjithashtu
