Paris Saint Germain është duke lëvizur në merkato. Ekipi parizien po sheh mundësinë e transferimit të elementëve cilësorë, për të zëvendësuar lojtarët që nuk janë më në planët afatgjata. Një i tillë është edhe Thiago Silva, me brazilianin që nuk shihet më i pazëvendësueshëm në qendër të mbrojtjes.
Drejtuesit e PSG kanë bërë një ofertë për lojtarin e Napolit, Kalidou Koulibaly. Sipas mediave në Francë, për të bindur lojtarin shtatlartë, parizienët ofrojnë plot 12 milion euro në vit pagë dhe sigurisht vendin e titullarit. Më herët, lojtari kishte refuzuar një transfertë të tillë por me situatën e re dhe paqëndrueshmërinë që po kalon Napoli, mbrojtësi mund të ndërrojë mendim.