Gentian Selmani, e thënë ndryshe është befasia e Superligës shqiptare. E ndërsa shumë e shumë vite më parë bënte bumin e madh Blendi Nallbani, me aktivizimin në Kombëtaren Shqiptare me moshën më të re 17-vjeç, tashmë është portieri i Laçit, Gentian Selmani, që shënon rekordin e viteve të fundit.
Vetëm 16.5 vjeç, ai starton si portier në Superligën Shqiptare dhe prej më shumë se dy sezonesh, luan për ngjyrat e Laçit. Kulmet nisen shpejt, kur fitoi edhe Superkupën e Shqipërisë me Laçin dhe siguroi edhe finalen e një sezoni më parë në Kupën e Shqipërisë.
Genti ka lindur 19 vjet më parë, më 9 mars 1998, por duket se kishte lindur bashkë me pasionin për portën. Që kur ishte 5 vjeç, ai shpalos cilësitë e para të ruajtjes së kuadratit si portier, duke u stërvitur me moshat e Ilirisë në Fushë-Krujë.
Por kulmet e para të tij, fiksuan kohën e artë të trajnimit nga Perlat Musta, një emër i kthyer në legjendë si portier me Partizanin dhe Kombëtaren Shqiptare.
Paratërinjtë dhe të rinjtë, janë ekipet zinxhirë që nis të lakohet emri i Gentian Selmanit, por vlera të tilla e bënë atë të hynte në klubin sportiv “Kastrioti”.
Gjithsesi, ekipi që guxoi t'i besonte kuadratin magjik të portës në një moshë krejt të re, veçse 16.5 vjeç, është Laçi.
Prej dy sezonesh, ai mbron mjaft mirë portën laçjane, duke fituar një vend edhe në toplistën e ekipeve tona përfaqësuese të moshave U-17, U-19 dhe U-21.
Shtalarti 185 cm, peshon 74 kg dhe është në vëzhgimin e rreptë të menaxherëve gjermanë. Njëri prej tyre që e ndjek prej dy sezonesh, është Darios Kampa, ish-portieri i Nurembergut, Kombëtares Gjermane dhe ekipeve të tjera të Bundesligës.
Interesant është fakti, që Gentian Selmani, stërvitet me planet stërvitore të Bundesligës dhe koha që harxhon në katër ditët e javës, është 5.5 orë në ditë, një rast i rrallë ky për një futbollist të Superligës Shqiptare.
Lexo gjithashtu
