Kryeministrit belg Charlse Michel i janë prishur planet personale pasi nuk mund të udhëtojë dot në Shën Petërburg për të ndjekur supersfidën Francë-Belgjikë. Ai është detyruar të ndjekë punimet e Samitit e 29-të të NATO-s që do të mbahet në datat 11 dhe 12 korrik.
Lajmin e ka zyrtarizuar zëdhënësi i kreut të ekzekutivit belg.
"Axhenda e Samitit të NATOS-s që mbledh krerët e 40 qeverive në Bruksel në datat 11 dhe 12 korrik nuk mund të përplaset me udhëtimin në Shën Petërburg", deklaron zëdhënësi i qeverisë belge.
Kryeministri Michel kishte përcaktuar të nisej në udhëtim zyrtar drejt Shën Petërburgut me Mbretin Philippe dhe Mbretëreshën Mathilde si dhe me ministrin e Jashëm Didier Reynerds për të ndjekur ekipin përfaqësues të Belgjikës në momentin më historik të "Djajve të Kuq".
Megjithatë kryeministri Michel do të ketë mundësinë ta ndjekë takimin qytetin Braine-le-Comte, aty ku ka lindur futbollisti i njohur dhe ylli i Belgjikës Eden Hazard.
Lexo gjithashtu
