Barcelona do të presë Napolin për të bërë mes tyre llogaritë e ndeshjes së kthimit të fazës së 1/8-ave. Kjo sfidë do të luhet ditën e nesërme në orën 21:00, me takimin e parë që ka përfunduar 1-1 në “Diego Armando Maradona”.
Xavi Hernandez është gati për të sfiduar italianët me qëllimin e vetëm për të rikthyer katalanasit në çerekfinalen e Champions League. Trajneri spanjoll thekson se në këtë sfidë nuk ka fovaritë, pasi shanset për të fituar janë 50-50, ndërsa kërkon mbështetjen e tifozëve në këtë moment të rëndësishëm për ekipin e tij.
“Ndeshja më e rëndësishme e sezonit? Po, është ndeshje shumë e rëndësishme. Jemi gati dhe kemi entuziazëm. Ka katër vite që nuk luajmë në çerekfinale, duam të garojmë me një rival që edhe pse nuk kalon momentin më të mirë, ka të njëjtën bazë si skuadra që fitoi titullin vitin e kaluar. Ne do të kemi nevojë për mbështetjen e tifozëve dhe shpresojmë që stadiumi të jetë plot. Nuk ka asnjë favorit, shanset janë 50-50, por tifozët mund të na ndihmojnë të kalojmë në fazën tjetër", ka përfunduar timonieri i katalanasve.
Lexo gjithashtu
