Juventusi dominon në Serinë A, por presidenti Andrea Anjeli duket se nuk i ka punët mirë në Itali. Pas akuzave të pak muajve më parë se “bosi” i bardhezinjve bashkëpunon me mafian, Anjeli pritet që të thirret në komisionin “Antimafia” në Itali për të hedhur dritë mbi këtë çështje.
Edhe pse numri një i Juventusit i ka hedhur poshtë akuzat që i janë ngritur, ai do të paraqitet në këtë komision përpara hetuesve sëbashku me avokatin e tij. Këtë gjë e ka konfirmuar vetë presidentja e komisionit “Antimafia” Rozi Brindi.
Kjo e fundit është shprehur se pavarësisht nëse do apo jo, presidenti i Juventusit do të vijë përpara këtij komisioni: “Kemi sqaruar se presidenti i Juventusit do të vijë para komisionit, pavarësisht se çfarë do ai”.