Drejtori i Përgjithshëm i Flamurtarit, Ardi Behari bëri tri kërkesa në Asamblenë e përgjithshme të FSHF-së: rritjen e numrit të lojtarëve të huaj që aktivizohen në fushë, pezullimin e futbollistëve me 5 kartonë të verdhë dhe jo me 3 dhe gjithashtu kërkoi më shumë informacion në lidhje me nismën për të krijuar Ligën Profesioniste.
Presidenti i FSHF-së, në lidhje me këto kërkesa të Ardi Beharit u shpreh: “Për sa u përket dy kërkesave të para, mendoj se do t’i marrim në shqyrtim në mbledhjen e Komitetit Ekzekutiv. Numri i lojtarëve të huaj si në këto kushte që jemi, ashtu edhe nëse krijojmë Ligën Profesioniste, normale që do të rritet nëse hyjmë në BE, sepse nuk mund të frenojmë aktivizimin e futbollistëve europianë nëse bëhemi anëtarë dhe pjesë e Europës së bashkuar”.
Loading ...
