Andi Ribaj foli për Oversport pas kualifikimit të Flamurtarit më tej në Play-off për Superioren. Vlonjatët skualifikuan Apoloninë me vetëm një barazim pasi ishin përpara në renditje.
“Për Flamurtarin është përgjegjësi e madhe dhe unë prandaj kam ardhur këtu. Është pak e vështirë pasi loja ishte 1-1, humbëm penallti dhe duhej qetësi për të menaxhuar lojën. Ne e filluam mirë lojën, patëm shanset, kishim penalltinë që e humbëm. Apolonia erdhi vetëm për fitore. Ishte e vështirë por e merituam. Do të kemi darkë pas fitores, do qerasim portierin sepse e meriton.
Korabi ka ekip shumë të mirë, do të punojmë gjatë javës për të vazhduar më tej.
10 minuta nuk janë asgjë për një lojtar, vrapimi në fund nuk është problem ishte çlodhës. Trajneri ishte pak i mërzitur pasi mund ta mbyllnim ndeshjen, por na përgëzoi.
Ky ekip që është ndërtuar nga fillimi është ndërtuar për t’u futur direkt. Do të përballemi me këdo që të jetë, nuk ka asnjë problem për ne.”
Lexo gjithashtu
