Portieri Çapekoenses, Nivaldo ka njoftuar tërheqjen e tij nga futbolli.
42-vjeçari ka munguar në udhëtimin e skuadrës së tij në Medellin, Kolumbi për ndeshjen e parë finale të Kupës së Amerikës së Jugut kundër Atletiko Nacional. 19 shokët e tij fatkeqësisht humbën jetën në aksident ajror ditën e djeshme.
Ai kishte planifikuar fillimisht të ishte pjesë e skuadrës në këtë fluturim, por më pas nuk u nis.
Nivaldo, i cili ka qenë me klubin e Çapekoenses për dhjetë vjet, këtë të diel do të luante ndeshjen e tij të 300 me skuadrën që u shua në aksidentin ajror, por për shkak të katastrofës që ndodhi dje, kampionati brazilian është pezulluar për momentin.
71 persona humbën jetën fatkeqësisht në aksidentin ajror me avionin që po udhëtonte edhe Çapekoenses.
"Unë kam dashur të shkoj në këtë udhëtim, por në fund qëndrova. Çdo gjë ka një arsye në jetë.
Deklaroj se do të tërhiqem nga futbolli. Kaq ishte", deklaroi për mediat braziliane portieri Nivaldo.
Lexo gjithashtu
