Ndeshja Juventus – Salernitana shpërhteu një lumë reagimesh pas anulimit të golit të Juventusit në minutën e 94. Pas rishikimeve të rastit, rezultoi që gjyqtari i sfidës gaboi në vendimin e marrë. Pamjet treguan se goli ishte i rregullt dhe në Itali po përflitet për ripërsëritjen e ndeshjes.
Në lidhje me këtë ka reaguar edhe presidenti i klubit të Salernitana, Iervolini i cili ka besim te skuadra e tij dhe thekson se nëse duan atëherë mund ta përsërisin ndeshjen.
“Gabimi i gjyqtarit? Nëse ata kanë dëshirë ta riluajnë atëherë për ne nuk ka problem. Gabimet e arbitrave nuk mund të fshijnë performancën tonë, ndoshta ishte faull për ne në aksionin e penalltisë së Juventusit.
Ishte një ndeshje plot emocione dhe rezultati ishte i drejtë. Në fillim u mërzita por pastaj u kënaqa me një pikë. Më pëlqeu ndeshja, Salernitana tregoi që ka mentalitet të fortë dhe nuk luajtëm si provincial. VAR është instrument ende i ri dhe ka nevojë për përmirësime por arbitrat nuk kishin qëllim të keq.”
Lexo gjithashtu
