Bylisi nuk gabon në garën me Lushnjën për një vend në Superiore sezonin e ardhshëm. Skuadra ballshiote fitoi 3-0 në Pogradec në takimin përmbyllës të javës së 19-të të Kategorisë së Parë, e para për fazën e play off-it.
Miqëve mallakastriotë i mjaftuan 29 minuta për të mbyllur llogaritë në stadiumin “Gjorgji Kuçuku” të qytetit liqenor. Aldo Mitraj zhbllokoi ndeshjen që në minutën e pestë, ndërsa dopieta e Izuçukut (17’, 29’) vulosi suksesin e Bylisit.
Pas këtij suksesi Bylisi e ruan diferencën prej dy pikësh nga Lushnja kryesuese, ndërsa Pogradeci mbetet i treti.
Fitore e rëndësishme për Bylisin, që duket se tashmë pret përballjet direkte me Lushnjen, pasi realisht Pogradeci, Tomori e Shkumbini nuk kanë më asnjë motivim.
Poll
Lexo gjithashtu
