Me ngjitjen në Serie B, duket se projekti ambicioz i Pisës ka nevojë për përforcime në merkato. Pas Edgar Canit, trajnerit Gattuso do t`i vihet nën urdhra një tjetër ish-futbollist i Kombëtares Shqiptare: portieri Samir Ujkani, aktualisht gardiani i portës së Kosovës.
Mungon vetëm njoftimi për transferimin e 28 vjeçarit nga Genoa. Mësohet se trajneri e kishte vënë në krye të listës së dëshirave të merkatos, ndaj afrimi i lojtarit konsiderohet si realizimi i një objektivi të rëndësishëm. Kjo nënkupton largimin e portierit bindi nga zikaltërit. Ujkani ka një portofol të pasur me ekipe italiane, ku veçohet eksperienca me Palermon aty ku dhe ka kryqëzuar udhët me Gattuson.
Ujkani ka luajtur në Itali përveç Palermos, edhe me skudrën e Novarës dhe Kievos.
Lexo gjithashtu
