Juventus përballet me Genoan të dielën në orën 15.00, në kuadër të Serisë A. Në prag të kësaj sfide ka folur trajneri i bardhezinjve, Pirlo. Ai vlerëson maksimalisht kundërshtarin, si një rival me vleral. Ai kërkon dëshirë të madhe për triumf, teksa ka një kërkesë edhe për Cheisan. Tekniku kërkon nga ai, që të menaxhojë më mirë topin.
"Të mërkurën më pëlqyen tre gjëra tek ekipi: shpirti, qëndrimi dhe dëshira. Dua t'i shoh sërish ndaj Genoas këto cilësi. Në portë do të luajë Szczesny, edhe Chiellino do jetë titullar, ndërsa Dybala ndodhet në gjendje të mië dhe është gati për lojë, edhe pse ndoshta jo nga minuta e parë.Le ta shijojmë faktin që e kemi sërish në dispozicion këtë lojtar, Dybala bën diferencën. Edhe Arthur e McKennie janë gati për të luajtur, gjendja e tyre është e mirë. Ndryshe situata e Demiral, i cili ka nevojë për kohë për të luajtur si titullar.
E kemi për detyrë të bëjmë mirë në të gjitha ndeshjet që kanë mbetur. Ndaj Napolit fituam falë një dëshira të madhe të përbashkët, pres të njëjtën gjë ndaj Genoas. Chiesa? I jap gjithmonë këshilla tekniko-taktike. Ai është shumë i mirë në hapësira dhe në lojën një kundër një.Mund të përmirësohet edhe më shumë në menaxhimin e topit dhe në situata të veçanta të lojës. Federico ka dëshirë për të mësuar dhe ka një uri të madhe për të luajtur futboll. Nesër duhet të jemi të egër, pasi duam t'i japim vazhdimësi rezultateve pozitive.E meta jonë ka qenë humbja e shumë pikëve kundër skuadrave që renditen poshtë nesh në kampionat. Shpresoj të më krijohet mundësia t'i aktivizoj bashkë Cristiano Ronaldon, Dybala dhe Moratën" - Tha ai.
Lexo gjithashtu
