Juventus përballet me Sassuolon në mesjavë, në kuadër të kampionatit italiane. Në konferencën e zakonshme është shfaqur trajneri i bardhezinjve, Pirlo. Tekniku thotë se nuk ka kohë për pesimizëm pasi nëse fitojnë të gjitha ndeshjet, mund të arrijnë të kualifikohen në kompeticionin më të rëndësishëm për klube.
“Nuk dua të shoh dorëzim pasi ka edhe tre ndeshje dhe jam i sigurt që mund t’ia dalim nëse marrim maksimumin e pikëve. Na pret një transfertë e vështirë, por nëse tregojmë fytyrën tonë më të mirë, mund t’ia dalim. Ronaldo është mirë dhe shpresoj t’i kem të gjithë në dispozicion për sprintin final të kampionatit.Nuk dua të komentoj deklaratat e Gravinës, pasi janë diçka e jashtme për ne. Është çështje që u takon drejtuesve, ndërsa ne kemi detyrimin të fitojmë në fushë një vend në zonën Champions. Debati Nedved-Paratici është një thashethem që synon vetëm të prishë atmosferën dhe nuk bie në këtë kurth” – tha ai.