Sa herë që Gerard Pique flet para mikrofonit shkakton polemika. Këtë herë ai ka zgjedhur të flasë për periudhën që po kalon i tërhequr nga futbolli. Për “tiktoker-in” John Nellis, Pique u shpreh se nuk e ka uruar ish shokun e skuadrës Leo Messi për fitimin e Botërorit 2022.
Mbi debatin e më të mirit në botë, Pique përgjigjet: “Për shumë arsye do të thoja Messi. Ai është më i miri në botë për momentin dhe mendoj se ai është më i miri i kësaj loje ndërmjet atyre që kanë fituar një Kupë Bote. Ka qenë ëndrra e tij.
Messi apo Cristiano? Në vitet e fundit do të zgjedh patjetër Messin. Dhe ai e ka treguar këtë edhe në të 35-tat. Ai është lojtari më i mirë në botë dhe e tregoi këtë në Kupën e Botës.
E urove Messin pas Kupës së Botës? Jo nuk e kam uruar. Muajt e mi të fundit kanë qenë të vështira dhe kam pasur nevojë të shkëputesha. Nuk kam parë asnjë ndeshje të Kupës së Botës, vetëm finalen por jo të gjithë ndeshjen”, ka përfunduar Pique.
Lexo gjithashtu
