Teuta do të luajë kundër Besëlidhjes, ndeshje e vlefshme në basketboll për meshkuj. Kjo sfidë ishte programuar të zhvillohet sot në pallatin e sportit “Ramazan Njala”.
Por, është klubi durrsak që njofton se takimi është shtyrë për nesër për shkak se aty po organizohet kampionati botëror i peshëngritjes. Në lajmërimin e bërë për mediet thuhej:
“Për shkak të bllokimit të pallatit të sportit Ramazan Njala për zhvillimin e kampionatit botëror U-20 të peshëngritjes, takimi Teuta – Besëlidhja i javës së 19-të, nuk do të zhvillohet sot.
Ndeshja do të luhet ditën e nesërme në orën 19:00, në palestrën Dh. Goga, Fllakë. Ju mirëpresim!”
