Liverpool do të presë në orën 17:30 ditën e nesërme skuadrën e Manchester United, një përballje “titanësh” mes dy ekipeve që do të luftojnë për çdo centimetër të fushës për të arritur te fitorja.
Në parg të kësaj ndeshje ka folur Erik Ten Hag, me “djajtë” që nuk po kalojnë një moment të mir ënë kampionat, teksa në mesjavë u eleminuan edhe nga Champions League. Timonieri holandez ka theksuar se nuk i trembet aspak Liverpool dhe se skuadra e tij do të hyj në fushë vetëm për 3 pikët.
”Kam mbështetjen e plotë të klubit. Por, për momentin, jam i fokusuar që të përmirësoj skuadrën, t’i bëj lojtarët që të luajnë më mirë. Ky është shqetësimi im. Në sezonin e kaluar ishim në drejtimin e duhur, por në këtë sezon nuk kemi qenë në nivelin e duhur.
Humbja 7-0 sezonin e kaluar? “Ndeshja në sezonin e fundit ishte një eksperiencë negative. Sfidën e edicionit të kaluar e nisëm shumë mirë dhe bëmë një pjesë të parë pozitive. Do të luajmë me vetëbesim nga minuta e parë, nuk frikësohemi aspak. Do të luajmë për të fituar. Liverpooli po luan mirë së fundmi dhe për këtë nuk ka asnjë dyshim. Atmosfera në Anfield? Lojtarët janë mësuar të luajnë në një atmosferë të tillë dhe të dielën do të jetë sfida e radhës”, përfundoi Ten Hag.
Lexo gjithashtu
